प्रदीप दास, रौतहट ।
फाल्गुन ०४ गते, आईतवार ।
सर्लाही जिल्लाको मलङ्गवामा पार्टीको जिल्ला सचिवालय तथा केन्द्रीय सदस्यहरूको संयुक्त बैठक भव्य रूपमा सम्पन्न भएको छ। बैठक पार्टी अध्यक्ष मोहम्मद रिजवान अन्सारीको प्रमुख आतिथ्यमा आयोजित भएको थियो। पार्टीका जिल्ला इन्चार्ज सीताराम शाहको अध्यक्षतामा सम्पन्न उक्त बैठकमा पार्टीका महत्त्वपूर्ण नेताहरूको उपस्थिति रहेको थियो।
बैठकमा पार्टीकी वरिष्ठ नेतृ तथा पूर्व गृह, कानुन तथा सञ्चार मन्त्री एवं प्रदेशसभा सदस्य माननीय बिमला अन्सारीको विशेष उपस्थिति रहेको थियो। साथै, बैठकको सञ्चालन पार्टीका जिल्ला सचिव रजी अहमदले गर्नुभएको थियो। बैठकमा सहभागी नेताहरूले संगठन विस्तार, पार्टी सदस्यता वितरण तथा आम उत्पीडित जनताको अधिकार संरक्षणका विषयमा विस्तृत छलफल गरेका थिए।
बैठकलाई निर्देशनात्मक सम्बोधन गर्दै पार्टी अध्यक्ष मोहम्मद रिजवान अन्सारीले संगठन विस्तार र जनतासँगको पहुँच अभिवृद्धि गर्ने महत्त्वपूर्ण योजना अघि सारेका छन्। उहाँले पार्टीलाई आम उत्पीडित जनताको पार्टीको रूपमा मजबुत बनाउनुपर्नेमा विशेष जोड दिनुभयो। बैठकमा प्रस्तुत गरिएका मुख्य प्रस्तावहरूमध्ये निम्न बुँदाहरू प्रमुख रहेका छन्—
पार्टीको संगठन विस्तार:
👉 टोल कमिटीदेखि लिएर नगर, गाउँ तथा क्षेत्रीय कमिटीहरू गठन गरिने।
👉 सक्रिय कार्यकर्ताहरूलाई जिम्मेवारी प्रदान गर्दै स्थानीय तहमा संगठनलाई सुदृढ बनाइने।
पार्टी सदस्यता वितरण अभियान:
👉 व्यापक रूपमा सदस्यता वितरण गरी पार्टीभित्र नयाँ कार्यकर्ता समावेश गरिने।
👉 उत्पीडित, विपन्न तथा सीमान्तकृत वर्गका जनतासम्म पार्टीको झन्डा पुर्याइने।
जनजागरण अभियान:
👉 आम जनतालाई पार्टीका सिद्धान्त, नीति तथा कार्यक्रमहरूबारे सचेत पार्न व्यापक अभियान सञ्चालन गरिने।
👉 गाउँ-गाउँमा सचेतना कार्यक्रम, जनसभा तथा संवाद कार्यक्रमहरू सञ्चालन गरिने।
सामाजिक न्याय र संघर्ष:
- 👉 गरिब, उत्पीडित तथा सीमान्तकृत समुदायका अधिकार सुनिश्चित गर्न निरन्तर संघर्ष गरिने।
👉 जनताको समस्यासँग सम्बन्धित मुद्दाहरूलाई प्राथमिकता दिई सरकारसमक्ष आवाज उठाइने।
बैठकमा सहभागी नेताहरूले पार्टीलाई स्थानीय स्तरमा अझ प्रभावकारी बनाउनुपर्ने आवश्यकता औंल्याएका थिए। विभिन्न नगर तथा गाउँ कमिटीहरूको सक्रियता बढाउन, जिम्मेवारी बाँडफाँडलाई व्यवस्थित गर्न तथा पार्टी नीति जनतासम्म पुर्याउने अभियानलाई तीव्र बनाउने प्रतिबद्धता व्यक्त गरियो।
बैठकका क्रममा नेताहरूले पार्टी संगठनलाई बलियो बनाउन आवश्यक रणनीति बनाउँदै कार्यान्वयन गर्ने निर्णय गरेका छन्। आगामी दिनमा संगठनलाई अझ सशक्त बनाउन र आम जनताको पक्षमा दृढताका साथ उभिन पार्टी प्रतिबद्ध रहेको बैठकले निष्कर्ष निकालेको छ।
