काठमाडौं । विराटनगरको पशुपति ज्वेलर्सबाट सुन र चाँदीका गरगहना बरामद भएको छ । प्रदेश प्रहरी कार्यालय र आन्तरिक राजश्व कार्यालयले छापा मार्दा भन्सार छलेको अवैध गरगहना र सुन चाँदीका सामग्री बरामद गरेको हो ।
ज्वेलर्समा छापा हान्न पुगेका एक अधिकारीका अनुसार चाँदीबाट बनेका पाउजू, ब्रासलेट, औंठी, दियो, लोहोटा, मूर्ति, टीकादानीलगायतका सामग्री एवं गरगहना बरामद भएको छ ।
विराटनगर महानगरपालिका–११ पिचरामा रहेको सो पसलमा भारतबाट भन्सार छली गरेर ल्याइएका सुन–चाँदीका गहना एवं सामग्री बिक्री गर्ने गरेको गोप्य सूचना आएकाले ज्वेलर्समा छापा हानिएको प्रहरीले जनाएको छ ।
