काठमाडौं । दक्षिणी इजरायलमा हमासले गरेको आक्रमणमा परी ज्यान गुमाएकामध्ये थप तीन नेपाली विद्यार्थीको शव स्वदेश ल्याइएको छ ।
धनुषा सापही-६ का आनन्द शाह, सुनसरी मधुवन-१ का राजेशकुमार स्वर्णकार र डोटी पचनाली-३ का राजन फुलाराको शव नेपाल ल्याइएको हो ।
यो सँगै हमासको आक्रमणमा परी निधन भएका १० नेपाली विद्यार्थीमध्ये आठ जनाको शव नेपाल आइपुगेको छ ।
सोही आक्रममा परी बेपत्ता भएका कञ्चनपुरका विपिन जोशीको अवस्था अझै अज्ञात रहेको छ । उनी हमासको नियन्त्रणमा रहेको बताइएपनि आधिकारिक पुष्टि हुन बाँकी छ ।
