काठमाडौँ। नेपाली बजारमा आज (बिहीबार) सुनको भाउ बढ्दा चाँदीको मूल्यमा भने गिरावट आएको छ । नेपाल सुनचाँदी व्यवसायी महासंघले आज सुन प्रति तोला दुई सय रुपैयाँले बढ्दा चाँदी २० रुपैयाँले घटेको जानकारी दिएको छ।
महासंघका अनुसार आज छापावाल सुन प्रति तोला एक लाख १८ हजार छ सय रुपैयाँमा कारोबार भइरहेको छ । यसैगरी तेजाबी सुन प्रति तोला एक लाख १८ हजार ५० रुपैयाँमा कारोबार भइरहेको छ । सुनको मूल्य सोमबार प्रति तोला एक लाख २१ हजार छ सय पुग्दै अल टाइम हाई रेकर्ड बनाएको थियो ।
बिहीबार चाँदी प्रति तोला एक हजार चार सय ६० रुपैयाँमा कारोबार भइरहेको छ । चाँदी पनि सोमबार इतिहासकै उच्च मूल्य अर्थात तोलाको एक हजार पाँच सय ४५ रुपैयाँमा कारोबार भएको थियो । त्यसयता तीन दिनमा चाँदी ८५ रुपैयाँले सस्तिएको छ ।
