काठमाडौं। नेपाली राष्ट्रिय क्रिकेट टोलीका पूर्वकप्तान सन्दीप लामिछानेविरुद्धको मुद्दा आज पनि स्थगित भएको छ ।
पटक–पटक स्थगित हुँदै आएको सन्दीपविरुद्धको उक्त मुद्दा आइतबार काठमाडौं जिल्ला अदालतका न्यायाधीश पदमराज पाण्डेयको इजलासमा परेको थियो ।
तर, आज सन्दीपको मुद्दा उनका कानुन व्यवसायीका तर्फबाट स्थगित गरिएको बुझिएको छ । सन्दीपका वकिल चितवनमा नेपाल बार एसोसिएसनको मानवअधिकार सम्मेलनमा रहेकाले आजको मुद्दा स्थगित गरिएको बुझिएको छ ।
सर्वोच्चले गत फागुनमा नै चाँडै फसला गर्न आदेश दिएपनि यो मुद्धाको पेसी पटक पटक स्थगित हुदै आएको छ ।
जिल्ला अदालत काठमाडौंले विभिन्न प्रमाणित कागजात माग गर्दै आएकोमा यसअघि कात्तिक २३ गते अदालतका न्यायाधीश केशव घिमिरेको इजलासले मंसिर २२ गतेसम्म बहस नोट माग्न आदेश गरेका थिए ।
अदालतको आदेश बमोजिम दुवै पक्षका कानुन व्यवसायीले लिखित रुपमा बहस नोट बुझाइ सकेका थिए ।
