प्रदिप कुमार दास, रौतहट ।
असोज ०६ गते ,आईतवार ।
रौतहट जिल्लाको मौलापुर नगरपालिकाको सभा हलमा मधेस रेडियो श्रोता संघको दर्ता प्रक्रिया र यससँग सम्बन्धित श्रोता मिलन कार्यक्रम भव्य रुपमा सम्पन्न भएको छ।
यस कार्यक्रमले रेडियो क्षेत्रका श्रोताहरूलाई एकीकृत गर्न नयाँ संघ गठन गरी त्यसलाई वैधानिकता दिने उद्देश्य राखेको छ।कार्यक्रमको मुख्य उद्देश्य मधेस रेडियो श्रोता संघलाई आधिकारिक रूपमा दर्ता गर्नका लागि आवश्यक कानुनी प्रक्रिया पुरा गर्नु थियो।
यसै क्रममा संघका लागि बिधान तयार पारिएको र जिल्ला प्रशासन कार्यालयमा दर्ता गराउने सम्बन्धमा छलफल गरिएको संघका अध्यक्ष रामबाबु साहले जानकारी दिनु भएको छ।
कार्यक्रममा विभिन्न सञ्चारमाध्यमहरूमा कार्यरत पत्रकार र रेडियोकर्मीहरुलाई विशेष सम्मान गरिएको थियो भने उनीहरूलाई टीका र गम्छा ओढाएर कदर व्यक्त गरिएको थियो।
