असोज २०
बाढी, पहिरो र डुबानपीडितलाई तत्काल राहत र पुनर्स्थापनाको माग गर्दै नेकपा (माओवादी केन्द्र)ले सरकारलाई २० बुँदे ज्ञापनपत्र बुझाएको छ।
पार्टी अध्यक्ष पुष्पकमल दाहाल प्रचण्ड र महासचिव देव गुरुङले हस्ताक्षर गरेको ज्ञापनपत्रमा आम नागरिकमा आशाको सञ्चार गर्दै प्रभावकारी प्रतिकार्य, राहत र सहयोग हुनुपर्नेमा सरकारका तर्फबाट एकीकृत, समन्वयकारी र प्रभावकारी पहल हुन नसकेको भन्दै तत्काल राहत र पुनर्स्थापनाको माग गरिएको छ।
बरिष्ठ उपाध्यक्ष नारायणकाजी श्रेष्ठ प्रकाश नेतृत्वको प्रतिनिधिमण्डलले आइतबार प्रधानमन्त्री तथा मन्त्रिपरिषदको कार्यालय सिंहदरबार पुगेर ज्ञापनपत्र बुझाएको हो।