काठमाडौं। नेपाली कांग्रेसका सभापति शेरबहादुर देउवाले कांग्रेस अहिले एक ढिक्का रहेको बताएका छन् । बागलुङको जिल्ला भेलालाई सम्बोधन गर्दै उनले यस्तो बताएका हुन् ।
पार्टीमा पहिलेजस्तो असन्तुष्टि र गुनासो नरहेको भन्दै उनले आएका छिटपुट गुनासा सम्बोधन हुने बताए । देउवाले संविधान कार्यान्वयनमा कांग्रेस अझै एकताबद्ध हुन जरुरी रहेको बताए । उनले बागलुङको जिल्ला भेलालाई सम्बोधन गर्दै देउवाले संविधानको पूर्ण कार्यान्वयनमा कांग्रेस प्रतिबद्ध रहेको सुनाए ।
‘संविधानका विषयमा गुनासा छन् । तर सम्बोधन गर्नै नसक्ने खालका छैनन्,’ उनले भने, ‘जसले जे भने पनि विश्वास नगरौँ । यो संविधान कार्यान्वयन गरेरै छोड्छौँ ।’
सङ्घीयताबारे आएका गुनासालाई स्वाभाविक लिएको उनको भनाइ छ ।
