विराटनगर। कोशी प्रदेशका नवनियुक्त मुख्यमन्त्री केदार कार्कीलाई ओखलढुङ्गा प्रवेशमा रोक लगाउन खोज्ने तीन जनालाई प्रहरीले पक्राउ गरेको छ ।
नेपाली काङ्ग्रेस ओखलढुङ्गाको भवन उद्घाटन कार्यक्रममा सहभागी हुन गएका मुख्यमन्त्री कार्कीलाई अवरोध गरेको आरोपमा प्रहरीले उनीहरुलाई नियन्त्रणमा लिएको हो ।
किराँत राई यायोक्खाका महासचिव भीम राई, संयुक्त संघर्ष समिति ओखलढुंगाका जिल्ला संयोजक थगेन्द्र राई र यायोक्खा पूर्वजिल्ला अध्यक्ष दीपेन्द्र रुम्दालीलाई ओखलढुंगाको गोरुमारे भञ्ज्याङबाट प्रहरीले नियन्त्रणमा लिएको छ ।
प्रदेशको नाम कोशी राख्ने पक्षमा मतदान गरेको भन्दै पहिचानवादीहरुले प्रदेशसभा सदस्यहरुलाई जिल्ला प्रवेशमा रोक लगाउने कार्यक्रम तय गरेका छन् । सोहीअनुसार मुख्यमन्त्रीलाई जिल्ला प्रवेशमा अवरोध गरिएको थियो।
