एजेन्सी । भारतीय अरबपति ब्यापारी मुकेश अम्बानीलाई ज्यान मार्ने धम्की आएको छ । भारतको चर्चित ब्यापारीक कम्पनी रिलायन्स इन्डस्ट्रिजका अध्यक्ष अम्बानीलाई एक अज्ञात व्यक्तिले इमेल मार्फत् २० करोड भारतीय रुपैयाँ मागेको र उक्त रकम नदिएमा ज्यान मार्ने धम्की दिएका छन् ।
‘यदि तपाईंले हामीलाई २० करोड रुपैयाँ दिनुभएन भने हामी तपाईंलाई मार्नेछौँ । हामीसँग भारतमा उत्कृष्ट सूटरहरू छन्’ इमेलमा भनिएको छ । यो धम्की २७ अक्टोबरमा शादाब खान नामका व्यक्तिले पठाएका थिए ।
समाचार एजेन्सी एएनआईका अनुसार मुम्बई पुलिसले गादेवी पुलिस स्टेशनमा आईपीसीको धारा ३८७ र ५०६ (ई) अन्तर्गत मुद्दा दर्ता गरेको छ । अम्बानी भारतका मात्र होइन, एशियाकै सबैभन्दा धनी ब्यक्ति हुन् ।
